Krishna

जगत पिता श्रीकृष्ण

सुरक्षा पनि कडा थियो आदेशमा दुष्ट कंसको
नास गर्न तत्पर सधै, वसुदेव-देवकीको वंशको ।।

तिथि साईत जुर्‍यो , भगवान्‌ले धर्तीमा पाईला टेक्ने
पापी -दानवहरूको छैन, सामर्थ्य यसलाई छेक्ने ।।

भाद्र कृष्ण अष्टमीको, त्यो मध्य रातमा
बन्धन नेलका थिए, माता पिताका हातमा ||

उदय भयो भगवान‌को,ज्ञान दिन सत्य र सत्कर्मको
मानव जगत खुसी भयो, आशा राखी रक्षा हुन्छ धर्मको।।

ज्ञानयुक्त वचन तिम्रो, सारले नै बन्दछ ग्रन्थ गीता
सदैव नमन गर्दछौं हामी,धर्म रक्षक श्रीकृष्ण जगत पिता ।।

                                    श्रीकृष्ण जगतपिता ।।